XMK ko'magida O'zbekistonda dializ xizmatlarini ko'rsatish bo'yicha loyiha ishga tushirildi

2020 yil 17 dekabrda O’zbekiston Respublikasi Moliya vazirligida yuqori sifatli dializ xizmatlarini ko’rsatish bo’yicha xususiy sherikni tanlash bo’yicha xalqaro tender g’olibini – Osiyodagi eng yirik va tez rivojlanayotgan dializ xizmatlarini etkazib beruvchi – Nephroplus kompaniyasini e’lon qilish uchun matbuot anjumani bo’lib o’tdi.

Nephroplus kompaniyasi 1000 dan ortiq bemorlarga hayotiy muhim dializ xizmatlarini ko’rsatish uchun Toshkent shahri, Qoraqalpog’iston Respublikasi va Xorazm viloyatida to’rtta dializ klinikasini moliyalashtirish, qurish, jihozlash, o’qitish va ulardan foydalanish bo’yicha tenderda g’olib chiqdi.

Jahon banki guruhining a’zosi bo’lgan Xalqaro Moliya Korporatsiyasi O’zbekiston moliya vazirligi va sog’liqni saqlash vazirligining tranzaktsion maslahatchisi sifatida davlat-xususiy sektor hamkorligini (DXSh) eng yaxshi sanoat standartlariga muvofiq dializ bilan davolashni ta’minlash, bemorlarning shaxsiy xarajatlarini talab qilmaydigan sifatli davolashni ta’minlash va infektsiya xavfini kamaytirish bo’yicha loyihasini ishlab chiqishda ko’mak berdi. IFC va Jahon banki Sog’liqni saqlash vazirligiga xalqaro talablarga muvofiq dializ terapiyasi standartlarini yangilashga yordam berdi va bemorlarning klinik ko’rsatkichlari va bemorlarning ijtimoiy mavqeiga asoslangan shaffof tanlov mezonlariga muvofiq tartiblarini ishlab chiqdi.

«O’zbekiston hukumati sifatli va arzon tibbiy xizmatdan foydalanish imkoniyatlarini kengaytirishga sodiqdir», dedi O’zbekiston moliya vaziri Timur Ishmetov. «Ushbu birinchi turdagi DXSh sog’liqni saqlash xizmatlarini modernizatsiyalashga yordam beradi va butun mamlakat bo’ylab bemorlar uchun sifatli diyaliz davolash imkoniyatini kengaytiradi.»

Xususan, Loyiha qishloq joylaridan kelgan bemorlarga katta foyda keltiradi, chunki «Nephroplus» O’zbekistonda birinchi marta peritoneal diyaliz amaliyotini boshlaydi. Peritoneal diyalizni davolash bemorlarga uyda diyaliz davolash imkoniyatini beradi, bu sayohat vaqtini va oilaviy xarajatlarni kamaytiradi. Shunday qilib, diyaliz terapiyasidan foydalanish qishloq va chekka hududlarga ham kengaytiriladi, bu mamlakat uchun muhim yangilikdir.

Davom etayotgan COVID-19 pandemiyasiga qaramay, dunyodagi uchta yirik dializ kompaniyalaridan takliflar kelib tushdi. Eng yaxshi moliyaviy taklif «Nephroplus»tomonidan kiritilgan. O’zbekiston va Markaziy Osiyoda birinchi marta davlat arizalarni qabul qilish va tender o’tkazish uchun elektron platformadan foydalanildi.

DXSh O’zbekistonning o’sib borayotgan infratuzilma ehtiyojlarini qondirish uchun xususiy sektor tajribasi va resurslaridan foydalanishda davom etmoqda. Ushbu loyiha qayta tiklanadigan energetikaning rekord darajada past tariflarini o’rnatgan DXShning quyosh energetikasi sohasidagi loyihasining muvaffaqiyatini davom ettiradi.

«Ushbu loyiha nafaqat bemorlarning hayot sifatini yaxshilashga, balki ko’plab odamlarning hayotini saqlab qolishga yordam beradi», dedi Vibke Shlyomer, IFCning Evropa va Markaziy Osiyo bo’yicha direktori. “Garchi pandemiya dunyo e’tiborini o’ziga qaratgan bo’lsa va koronavirus bilan kasallanmagan bemorlarga etarli tibbiy yordam ko’rsatilishiga to’siq bo’layotgan bo’lsa-da, biz O’zbekiston hukumati sog’liqni saqlash tizimini takomillashtirish bo’yicha DXSh loyihalari bo’yicha tanlovni muvaffaqiyatli o’tkazayotganidan mamnunmiz. Ushbu DXSh loyihasi surunkali kasalliklarga chalingan bemorlarga kerakli sifatli davolanish va yordam ko’rsatishda yordam beradi. »

«Nephroplus» bilan DXSh shartnomasi 30 kun ichida imzolanishi kutilmoqda.

Bundan tashqari, bugungi kunda Moliya vazirligi va Sog’liqni saqlash vazirligi IFC bilan O’zbekistonning uchta mintaqasida saraton kasalliga chalingan bemorlar uchun nurlanish terapiyasini taqdim etadigan kasalxonani moliyalashtirish, qurish, jihozlash va shuningdek tibbiy xodimlarni ishga qabul qilish va o’qitish hamda loyihasi bo’yicha ikkita yangi maslahat shartnomalarini tuzdilar.

Moliya Vazirligi

Axborot xizmati

 

You may also like...

Fikr bildirish

Email manzilingiz chop etilmaydi. Majburiy bandlar * bilan belgilangan

Font Resize