Davlat-xususiy sheriklik to’g’risidagi qonunchilikka yangi o’zgartirishlar kiritildi

Ma’lumki, davlat — xususiy sheriklik sohasi mamlakatda yosh va istiqbolli sohalardan hisoblanadi. Xorijiy va mahalliy investisiyalarni davlat — xususiy sheriklik asosida jalb etish, bunda ham investorning ham davlatning o‘zaro manfaatlarini, huquqlarini kafolatlari hamda biznesdagi tavakkalchilarni o‘zaro taqsimlash orqali davlatning investisiyay jozibadorligi va nufuzini oshirish dolzarb hisoblanadi. Ushbu maqsadlarga erishish uchun avvalo davlat — xususiy sheriklik sohasining huquqiy asoslarini jahon tajribasiga mos ravishda takomillashtirishni va xalqaro standartlarga uyg‘unlashtirishni taqozo etadi.
Shu munosabat bilan O‘zbekiston Respublikasi Moliya vazirligi huzuridagi Davlat-xususiy sheriklikni rivojlantirish agentligi (keyingi o‘rinlarda – Agentlik) tashabbusi “Davlat — xususiy sheriklik to‘g‘risidagi qonunchilik takomillashtirilishi munosabati bilan O‘zbekiston Respublikasi ayrim qonun hujjatlariga o‘zgartish va qo‘shimchalar kiritish, shuningdek ayrim qonun hujjatlarini o‘z kuchini yo‘qotgan deb topish haqida”gi Qonun loyihasi ishlab chiqildi. 2021 yil 22 yanvar’ kuni mazkur Qonun loyihasi o‘rnatilgan tartibda qabul qilindi va 2021 yilning 23 yanvaridan kuchga kirishi belgilandi.

Ushbu Qonun chet el investisiyalari ishtirokida amalga oshiriladigan davlat-xususiy sheriklik loyihalari bo‘yicha O‘zbekiston Respublikasi hududida realizasiya qilinadigan tovarlar (ishlar, xizmatlar) narxlari O‘zbekiston Respublikasi chet el valyutalariga va shartli birliklariga bog‘lanishi, konsessiyani taqdim etish bilan bog‘liq munosabatlar, loyihani amalga oshirishda kreditorlarning ishtiroki va ularni manfaatlarining himoyasi, mahalliy ijro hokimiyatlarining yer ajratishdagi vakolatlari hamda O‘zbekiston Respublikasi va xususiy sherik o‘rtasida tuziladigan, xususiy sherik va (yoki) kreditorlarga qo‘shimcha kafolatlar hamda qo‘llab-quvvatlash choralarini davlat — xususiy sheriklik to‘g‘risidagi bitim yoki davlat tomonidan qo‘llab —quvvatlash to‘g‘risidagi bitim orqali rasmiylashtirish masalalari o‘z aksini topgan.
Shuningdek, davlat — xususiy sheriklik loyihalarini amalga oshirish uchun davlat tomonidan qo‘llab — quvvatlash to‘g‘risidagi bitim O‘zbekiston Respublikasi nomidan O‘zbekiston Respublikasi Moliya vazirligi tomonidan imzolanishi hamda Davlat byudjetiga bevosita va bilvosita ta’sir etadigan qo‘shimcha kafolatlar nazarda tutilgan DXSh loyihalarda loyiha konsepsiyasi tasdiqlangunga qadar O‘zbekiston Respublikasi Moliya vazirligi bilan kelishib olinishi mazkur Qonun bilan mustahkamlandi.

Davlat-xususiy sheriklik to‘g‘risidagi qonunchilik takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish, shuningdek ayrim qonun hujjatlarini o‘z kuchini yo‘qotgan deb topish haqida O’zbekiston Respublikasi qonuni

You may also like...

Fikr bildirish

Email manzilingiz chop etilmaydi. Majburiy bandlar * bilan belgilangan

Font Resize